تہذیب حافی کی تازہ غزل، اردو ورلڈ کے قارئین کےنام

 

۔۔۔۔۔تازہ غزل ۔۔۔۔۔

کلام ۔۔۔ تہذیب حافی

 

مسلسل وار کرنے پر بھی ذرہ  بھر نہیں  ٹوٹا 

میں  پتھر  ہو  گیا  لیکن  ترا  خنجر  نہیں  ٹوٹا 

 

ترے ٹکرے مری کھڑکی کے شیشوں سے زیادہ ہیں 

نصیب  اچھا  ہے میرا  تو  مرے  اندر نہیں ٹوٹا 

 

مجھے برباد کرنے تک ہی اُس کے آستاں ٹوٹے 

مرا  دل  ٹوٹنے  کے  بعد  اُس  کا  گھر نہیں ٹوٹا 

 

طلسم ِ یار  میں  جب  بھی  کمی  آئی، نمی  آئی 

اُن آنکھوں میں جنہیں لگتا تھا جادوگر نہیں ٹوٹا 

 

سروں پر آسماں ہاتھوں سے آئینے نظر سے دل 

بہت  کچھ  ٹوٹ سکتا  تھا  بہت  کچھ  پر نہیں ٹوٹا 

 

ہم اُس کا غم بھلا  قسمت  پہ  کیسے ٹال سکتے ہیں 

ہمارے ہاتھ میں ٹوٹا ہے  وہ گر  کر  نہیں ٹوٹا 

 

تیرے بھیجے ہوئے تیشوں کی دھاریں تیز تھیں حافی 

مگر  ان  سے  یہ  کوہ ِ غم  زیادہ  تر  نہیں  ٹوٹا 

 

     شاعر: تہذیب حافی

یہ بھی پڑھیں: تہذیب حافی کی شاندار شاعری آپ کے نام 

یہ بھی پڑھیں: تہذیب حافی کی شاعری 

دیگر شعراء کی شاعری پڑھنے کیلئے یہاں کلک کریں