ناشاد وی جالب دے وانگوں باغی نظردے۔۔۔ کلام: جمشید ناشاد

 

ناشاد وی جالب دے وانگوں باغی نظردے۔۔۔ کلام: جمشید ناشاد

 

۔۔۔غزل۔۔۔

 

آکھیا   نمہی  زبان  تئیں   اے  گال   نہ   پہنچے

ہنڑ   آکھدیں   جہان  تئیں  اے گال  نہ پہنچے

 

عشق آلیں  دی ہک اےوی میکوں گال پسنداے

جند نکلے  پئی  جندجان  تئیں اے گال  نہ  پہنچے

 

چیڑیاں  پیاں   شہباز کوں   پرواز   سکھیندئین

اللہ  کرے  اسمان  تئیں   اے  گال   نہ   پہنچے

 

یہ بھی پڑھیں: نظامء قدرت دے وچ نواں کئ نظام انیسوذلیل تھیسو... کلام : سئیں جمشید ناشاد

 

توں  خوش  ہیں  میڈا  پُتر  ہُنڑ  افسر پیا بنڑدے

میں ڈرداں میڈےخان تئیں  اےگال نہ پہنچے

 

حیران  ہاں  بئیمان  دی ہر جاہ    تے قدر  ہے

یارو !   شالا  ایمان  تئیں    اے  گال    نہ   پہنچے

 

ایں  پِڑ  دی  جیرھی  گال  ہے ایں پِڑ  تےمُکاؤں چا

پَر  حشر دے  میدان  تئیں   اے  گال  نہ  پہنچے

 

ہک  ڈاند  دی  سیلھی  تے بھراویں  دا   الا   ہے

ڈر لگدے  جو  قرآن  تئیں   اے گال   نہ   پہنچے

 

ناشاد  وی  جالب  دے  وانگوں  باغی  نظر دے

سُلطان  دے  دربان  تئیں  اے گال  نہ   پہنچے

 

شاعر: جمشیدناشاد۔۔۔۔