تہذیب حافی کی شاندار شاعری آپ کے نام

 

غزلیں

کلام: تہذیب حافی

غزل 

 

تیرا چپ رہنا میرے ذہن میں کیا بیٹھ گیا

اتنی آوازیں تجھے دیں کہ گلا بیٹھ گیا 

یوں نہیں ہے کہ فقط میں ہی اسے چاہتا ہوں 

جو بھی اس پیڑ کی چھاؤں میں گیا بیٹھ گیا  

اتنا  میٹھا تھا وہ غصے بھرا لہجہ مت پوچھ  

اس نے جس جس کو بھی جانے کا کہا بیٹھ گیا   

اپنا لڑنا بھی محبت ہے تمہیں علم نہیں  

چیختی تم رہی اور میرا گلا بیٹھ گیا   

اس  کی مرضی وہ جسے چاہے پاس بٹھا لے اپنے   

اس  پہ کیا لڑنا فلاں میری جگہ بیٹھ گیا 

بات  دریاؤں کی سورج کی نہ تیری ہے یہاں   

دو  قدم جو بھی مرے ساتھ چلا بیٹھ گیا   

بزم  جاناں میں نشستیں نہیں ہوتیں مخصوص   

جو  بھی اک بار جہاں بیٹھ گیا بیٹھ گیا

 

غزل

 

پرائی آگ پہ روٹی نہیں بناؤں گا 

میں بھیگ جاؤں گا چھتری نہیں بناؤں گا  

اگر  خدا نے بنانے کا اختیار دیا   

علم   بناؤں گا برچھی نہیں بناؤں گا   

فریب  دے کے ترا جسم جیت لوں لیکن  

میں پیڑ کاٹ کے کشتی نہیں بناؤں گا  

گلی  سے کوئی بھی گزرے تو چونک اٹھتا ہوں   

نئے مکان میں کھڑکی نہیں بناؤں گا 

میں  دشمنوں سے اگر جنگ جیت بھی جاؤں

تو   ان کی عوراتیں قیدی نہیں بناؤں گا   

تمہیں پتا تو چلے بے زبان چیز کا دکھ

میں    اب چراغ کی لو ہی نہیں بناؤں گا  

میں   ایک فلم بناؤں گا اپنے ثروت پر   

اور   اس میں ریل کی پٹری نہیں بناؤں گا   

یہ بھی پڑھیں: تہذیب حافی کی شاعری