مری: شدید برفباری، ہزاروں سیاحوں نے رات سڑک پر گزاری، متعدد کے جاں بحق ہونے کی اطلاعات

مری: شدید برفباری، ہزاروں سیاحوں نے رات سڑک پر گزاری، متعدد کے جاں بحق ہونے کی اطلاعات

 

مری میں گزشتہ رات شدید برفباری ہوئی ہے۔ ٹریفک جام  کے باعث ہزاروں سیاحوں کو رات سڑکوں پر گزارنا پڑی، جس کے باعث ایک درجن سے زائد سیاحوں کے اپنی گاڑیوں میں جاں بحق ہونے کی اطلاعات موصول ہو رہی ہیں۔  سیاح ساری رات انتظامیہ سے لائیو ویڈیوز اور سوشل میڈیا کے ذریعے مدد کی اپیل کرتے رہے۔ سوشل میڈیا پر بہت ہی دردناک ویڈیوز دیکھنے کو مل رہی ہیں۔

#Murree right now ❄️
#Snowfall pic.twitter.com/zJ6Pyybtlc

— Waqar Ali Syed (@Waqaralisyed) January 8, 2022

ایک ویڈیو میں دیکھا جا سکتا ہے کہ گاڑیاں چھت تک برف میں پھنسی ہوئی ہیں۔ انہی گاڑیوں میں سے ایک گاڑی میں ایک پورا خاندان جس میں سات سے آٹھ  بچے اور مردو خواتین شامل ہیں جاں بحق ملے ہیں۔

اسی طرح ایک اور گاڑی میں بھی تمام نوجوان جاں بحق ملے ہیں۔ مزید اطلاعات موصول ہو رہی ہیں۔

#snowstorms#Murree#Pakistan
Critical situation ahead more deaths reported pic.twitter.com/vBqkzCx9Qr

— Tuseef abbasi (@tuseefabbasi91) January 8, 2022

مری ، گلیات اور شمالی علاقہ جات میں مزید برفباری اور تیز ہواؤں کے ساتھ بارش کی بھی پیشگوئی کی جارہی ہے۔ اس لئے انتظامیہ لوگوں کو مری ، گلیات یا شمالی علاقہ جات نہ آنے کی اپیل کر رہی ہے۔

اسلام آباد اور ملحقہ علاقوں میں بھی شدید بارشوں کے باعث ایمرجنسی الرٹ جاری کیا گیا ہے۔ اسلام آباد کے ندی نالوں میں بھی طغیانی کا خدشہ ہے۔ اسلام آباد میں بھی ایک ہفتے سے وقفے وقفے سے بارش کا سلسلہ جاری ہے۔

مری میں تیز برفباری
شدید برفباری اور ٹریفک جام کے باعث رات سڑک پر گزارنے والے سیاح، اب بھی سڑکوں پر پھنسے ہوئے ہیں
مری میں گاڑیوں میں 16 سے 19 اموات ہوئی ہیں

مری سے باہر موجود افراد کو بھی ہدایت کی گئی ہے کہ وہ مری کا رُخ نہ کریں،، #Murree. #Snowfall pic.twitter.com/i2cYJL8Zxz

— bushra khalid (@bushra_khalid) January 8, 2022

شہریوں سے اپیل کی گئی ہے کہ وہ گھروں میں رہیں اور بلا وجہ گھروں سے نہ نکلیں۔ کسی بھی ایمرجنسی کی صورت میں ایمرجنسی نمبروں کا استعمال کریں۔