میکسیکو المناک حادثہ: کم از کم 53 افراد ہلاک اور درجنوں زخمی

 

میکسیکو المناک حادثہ: کم از کم 53 افراد ہلاک اور درجنوں زخمی

 

امریکن میڈیا کے مطابق بدھ کو میکسیکو کی جنوبی ریاست چیاپاس میں ایک ٹرک حادثے میں 53 کے قریب افراد ہلاک ہو گئے۔

 

اطلاعات کے مطابق زیادہ تر ہلاکتیں وسطی امریکہ سے تعلق رکھنے والے تارکین وطن کی تھیں۔ درجنوں مزید زخمی بھی  ہوئے ہیں، ہلاکتوں میں اضافے کا خدشہ ظاہر 

کیا جا رہا  ہے۔

 

دی ٹائمز کے مطابق، چیاپاس سول پروٹیکشن سروس کے سربراہ لوئس مینوئل گارسیا نے کہا کہ حادثہ اس وقت پیش آیا جب 100 سے زائد افراد کو لے جانے والا ٹرک 

جمعرات کی سہ پہر تیز رفتاری کے باعث ایک ہائی وے پر الٹ گیا۔

 

ٹیلی ویژن فوٹیج میں سڑک کے کنارے کمبل اور چادروں سے ڈھکی لاشیں دکھائی دیتی ہیں، جبکہ میکسیکن ریڈ کراس کے کارکن زخمیوں کی دیکھ بھال کر رہے تھے۔ الٹنے 

والا ٹرک سڑک کے کنارے پر الٹا پڑا تھا۔

 

Tuxtla Gutiérrez  سرحد سے شمال کے راستے پر واقع ہے جسے بہت سے تارکین وطن امریکہ آنے جانے کے لیے استعمال کرتے ہیں۔

 

جب کہ کچھ وسطی امریکی تارکین وطن حفاظت کے لیے جنوبی امریکی سرحد تک قافلوں کی شکل میں سفر کرتے ہیں، بہت سے لوگ ان قافلوں  کو منظم کرنے والے 

ایجنٹس خطرناک کویوٹس کہلانے والے سمگلروں کو فی شخص $10,000 تک ادا کرتے ہیں۔ اکثر تارکین وطن اسمگلروں کو حد سے زیادہ قرضے لے کر، اپنے آبائی 

ممالک میں جو تھوڑی بہت جائیداد ہے اسے بیچ کر یا امریکہ میں رشتہ داروں کی طرف سے بھیجی گئی رقم کا استعمال کر کے ادائیگی کرتے ہیں۔

 

تارکین وطن کو ان کی منزلوں تک پہنچانے کے لیے اسمگلر اکثر پولیس اور امیگریشن حکام کے ساتھ ساتھ منظم جرائم پیشہ گروہوں کو بھی ادائیگی کرتے ہیں۔

 

ایسا لگتا ہے کہ اپنے سفر کے دوران، تارکین وطن نے تیزی سے میکسیکو کی سیکیورٹی فورسز سے بچنے کی کوشش کی ہے جو مسٹر لوپیز اوبراڈور کے ذریعہ امریکہ کی طرف 

جانے والے غیر دستاویزی تارکین وطن کی لہر کو روکنے کے لیے لگائی گئی ہیں۔

 

واشنگٹن میں مقیم مائیگریشن پالیسی انسٹی ٹیوٹ کے صدر اینڈریو سیلی نے کہا، "ہمیں فوری طور پر لوگوں کو اسمگلروں کے ہاتھ میں جانے اور سفر کے خطرے کو بڑھانے 

کے بجائے ہجرت کے لیے قانونی راستے بنانے کے طریقے تلاش کرنے کی ضرورت ہے۔"

 

وبائی امراض کے دوران 2020 میں نقل مکانی کے بہاؤ میں کمی کے بعد، اس سال میکسیکو میں پکڑے گئے تارکین وطن کی تعداد میں تیزی سے اضافہ ہوا ہے۔

 

اکتوبر کے دوران، میکسیکو کے حکام نے وسطی امریکہ سے تقریباً 193,000 تارکین وطن کو گرفتار کیا ہے، جب کہ 2020 میں یہ تعداد 76,000 تھی۔