درد کا بوجھ تیرے شہر سے لائے ہوئے لوگ۔۔۔ڈاکٹر نجمہ شاہین کھوسہ

 

درد  کا بوجھ   تیرے شہر  سے  لائے  ہوئے  لوگ۔۔۔ڈاکٹر نجمہ شاہین کھوسہ

 

غزل۔۔۔

 

درد  کا بوجھ   تیرے شہر  سے  لائے  ہوئے  لوگ

اب  کہاں  جائیں  یہ  زخموں کوسجائے ہوئے لوگ

 

ہیں  اس  آسیب  کے  ہر  روپ  سے  انجان  ابھی

یہ  جو  ہیں  عشق  حقیقت  کو بھلائے ہوئے  لوگ

 

کون   کہتا   ہے   کہ   زندہ    ہیں    بظاہر    زندہ

روح  کا  بوجھ  بدن  میں  ہی  اٹھائے  ہوئے  لوگ

 

بنتے  جاتے   ہیں   یہ   تصویر   گئے   وقتوں   کی

ہجر کے  روگ  کو سینے  سے  لگائے  ہوئے   لوگ

 

وہ  جو  کٹیا   تھی   جہاں   عشق   بسیرا   تھا   کبھی

وحشتوں  کے  ہیں  وہاں  اب  تو  ستایے  ہوئے لوگ

 

ہیں  یہی  جن  سے  سلامت   ہے   محبت   کا  وجود

پھول  پتھر میں  وفاؤں  کے  کھلائے   ہوئے  لوگ

 

حال  پوچھو  نہ   کبھی   بچھڑے   دلوں   کا  شاہیں

اپنے  لاشوں کو ہیں  شانوں  پہ  اٹھائے  ہوئے  لوگ

 

          شاعرہ: ڈاکٹر نجمہ شاہین کھوسہ

یہ بھی پڑھیں:  جہاں پرندوں کے پر کھلے ہیں۔...   شاعرہ: ایمان قیصرانی

یہ بھی پڑھیں: زخموں سے کہاں لفظوں سے ماری گئی ہوں میں ۔۔۔کلام : ڈاکٹر نجمہ شاہین کھوسہ